A hora azul

Tema 3, curso 2009-10

2009-12-07T00:14:00.002+01:00

Se premes aquí podes acceder ás numerosas entradas escritas o curso pasado referidas a este Tema 3.

Tema 2, Curso 2009-10

2009-10-27T22:05:00.001+01:00

Se premes sobre este enlace podes ler todas as entradas do Tema 2 publicadas durante o curso pasado, que valen tamén para este ano.

Tema 1 do Curso 2009-10

2009-09-25T22:01:00.000+02:00

Se premes sobre este enlace podes ver todas as entradas do curso pasado sobre o Tema 1, que valen tamén para este ano.

CURSO 2009-2010

2009-09-01T21:59:00.001+02:00

Baixo a roda

2009-02-09T15:27:00.007+01:00

Outro dos autores dos que tratamos ao final do tema 3 é Spengler, tamén alemán, como Marx, se ben cun tipo de pensamento ben diferente.
Sobre este polémico autor e a súa famosa obra tes información variada na Rede. Facilitamos este enlace, que non parece malo.

Máis Marx

2009-02-09T15:16:00.003+01:00

Nalgún momento do final dete Tema 3 aparece Carlos Marx. Talvez non é mala idea botar man de Santa Wiki, que estás na Rede, para contextualizar algo a súa obra: aí va o vínculo marxiano.

(Groucho Marx facendo a revolución ante o espello... Ben, este Marx debe de ser doutra familia, ¿ou?)

No tempo de Agostín...

2009-02-09T14:59:00.005+01:00

Comezamos o tema 3 falando do tempo a partir dun famoso fragmento das Confesións de San Agostín (ss. IV-V, despois de cristo, naturalmente), texto que resultou un tanto polémico. Afortunadamente. veña polémicas: queremos máis diso na aula, por favor.
Ben, agora ofrecemos un enlace para ter algo ma´si de información sobre este santo varón, xa que ao final do >Tema 3 reaparece saído da espesura do bosque vello para nos dicir "¡uh!"
Claro que podes ir tamén ao blog de Filosofía II ("O raio verde": a competencia, xa sabes). aí tes unha serie de entradas sobre Agostín, e algo haberá que interese, esperemos...

Pero, ¿houbo algunha vez un filósofo... español?

2009-02-09T11:43:00.008+01:00

Había unha vez un señor chamado José Ortega y Gasset. Un día morreu -é un costume que soe ter a xente, como dicía outro morto, tamén-, pero antes fixo dúas ou tres couas. Aquí endadimos u par de enlaces:

No prineiro que aquí tes, atoparás na Wiki información sobre este filósofo espeñol pouco orixinal pero gran divulgador.
E aquí tes unha colección de frases del, que talvez teñan algún atractivo, ou non, quen sabe...

Declaración Universal dos Dereitos Humanos, ONU, 1948

2009-02-09T00:50:00.003+01:00

Se premes neste enlace podes acceder ao texto dos artigos da Declaración dos DD HH (ONU, 1948).

Bartolomé de Las Casas e Francisco de Vitoria

2009-02-09T00:36:00.003+01:00

Desgraciadamente, no noso propio país estes dous autores seguen a ser case descoñecidos. A pregunta é ¿por que? Posiblemente se foran autores británicos, franceses ou belgas, terían un recoñecemento na súa propia terra e tamén un recoñecemento internacional. Aquí somosche así, meu amigo... Invitamos a facer un pouco de xustiza con eles. Aquí tes un vínculo para ler algo sobre Bartolomé de Las Casas, e neste outro, sobre Vitoria. A ver que pasa...

Entrevistas co antropólogo Marvin Harris

2009-02-09T00:28:00.007+01:00

Facilitamos agora un enlace para poder ler, se queres, unha entrevista co antropólogo Marvin Harris, do cal falamos no Tema 3.

¿Quen teme a Claude Lévi-Strauss?

2009-02-09T00:13:00.006+01:00

Un dos antropólogos máis importantes da actualidade é Claude Lévi-Strauss, belga, e xa bastante maior... No Tema 3 falamos del cando tratamos de explicar a diferencia entre natureza humana e cultura. Aquí tes a posibilidade de ir en busca de máis información sobre a súa persoa e obra, na inevitable Wiki, pero hai moita información na rede sobre el que podes consultar, desde logo.

De sofistas en xeral, e de Trasímaco e Calicles en particular...

2009-02-08T23:32:00.005+01:00

No apartado dedicado a iso que é chamado, polo regular, "malestar cultural", remitímonos aos sofistas, da Grecia antiga clásica. Chaman moito a atención porque posúen ideas e actitudes que os occidentais actuais consideramos non anteriores ao sécuko XX. Pois ben, se queres algo máis de información sobre eles podes premer neste enlace, a ver... É máis ben un tipo de información breve e sinxelo.
Agora ben, se prefires algo máis de profundidade, entón o enlace que buscas é éste, no que atoparás máis sobre Trasímaco e Calicles, dous dos sofistas máis coñecidos e recoñecidos (non moi queridos por Platón, por certo).

TEMA 3

2009-01-13T22:23:00.003+01:00

DE QUE FACER O TRABALLO

2009-01-13T21:46:00.002+01:00

Ilustración a partir dun debuxo de Alejandro G., de 4ºA)

Na presente entrada, que chega cun certo retraso -perdón-, queremos ofrecer unha lista de libros (novela, libro autobiográfico, ensaio), cómics e películas, obras sobre as cales podes comezar cando quiras, xa, un traballo para finalizar e entregar acabado a finais de curso (Maio, Xuño). Bota unha ollada á entrada anterior, na que tes unha detallada explicación sobre a maneira correcta de facelo.
Esta lista que tes aquí irá crecendo nos próximos días, polo que se non atopas hoxe o libro, cómic ou film que desexas, proba dentro dun par de días... Lembra tamén que tes a posibilidade de falar profesor para considerar outras posibilidades non presentes nesta lista. Comezamos, pois:

LIBROS DE FICCIÓN: El señor de las moscas, de W. Golding (Alianza; varios exemplares na biblioteca); O vixía no centeo, de Salinger (Alianza; varios exemplares na biblioteca); Peter Pan, de Barrie (varias edicións, haino na biblioteca); Doctor Jekyll e Mr. Hyde, de Stevenson (varias edicións; na biblioteca); La muerte de Iván Illich, de Tolstoi (é un conto; Alianza; biblioteca); ; El secreto del Bosque Viejo, de Dino Buzzatti, Gadir; Fahrenheit 451, Ray Bradbury (Plaza & Janés); etc.
LIBROS DE NON FICCIÓN: En primeiro lugar advertir que o libro Sobreviviendo con lobos queda finalmente DESCARTADO, pois é un fraude, como podes ver bneste enlace; Si esto es un hombre, de Primo Levi (Muchnik ; haino na biblioteca); El pianista del gueto de Varsovia, de W. Szpilman (Editorial Turpial-Amaranto; haino na biblioteca); Gladiadores, de D. Mannix (Editorial Nowtilus; haino na biblioteca, na sección de Historia); Unha bolsa de canicas, de Joffo (Edicións do Cumio; na biblioteca); Ética para o meu fillo, de Fernando Savater, que o coñecerás porque estamos a lelo na aula (Editorial Ariel; varios exemplares na biblioteca); Una mujer en Berlín, obra anónima autobiográfica, en Anagrama (na biblioteca); etc. (engadiremos algo máis en breve).
CÓMICS: Persépolis, de Marjane Satrapi (Norma; na biblioteca); Nunca me has gustado, de Chester Brown (Astiberri; na biblioteca, esperando por ti); Maus, de Spiegelman (Editorial Inrevés; biblioteca); Todo Paracuellos, de Carlos Giménez (DeBolsillo; na biblioteca); V de Vendetta, de Alan Moore e David Lloyd (Planeta DeAgostini; na biblioteca); Watchmen, de Alan Moore e Dave Gibbons (Planeta DeAgostini; na biblioteca); Poema en viñetas, de Dino Buzzatti, Gadir (na biblioteca); Adolf (varios volumes: pendente de compra para a biblioteca); etc.
PELÍCULAS: Espartaco, dirixida por Kubrick Hai o DVD na nosa biblioteca); El pequeño salvaje, dirixida por Truffaut ( a podes ver completa en YouTube, fragmento a fragmento); La diligencia, dirixida por John Ford; Hud, dirixida por Martin Ritt; El buscavidas, dirixida por Robert Rossen; El color del dinero, dirixida por Martin Scorsese; Persépolis, dirixida por Paronnaud, segundo o cómic de Marjane Satrapi (ver arriba, en cómics; a temos tamén na nosa bibliotca); Matrix (na biblioteca); El club de los poetas muertos (na biblioteca), Muerte de un viajante (na biblioteca); Gattaca (na biblioteca); Hoy empieza todo (na biblioteca); El hombre del brazo de oro (na biblioteca); Good bye, Lenin (na biblioteca); El apartamento 8na biblioteca); La misión (na biblioteca); Troya (na biblioteca); Gladiador (na biblioteca); Quadrophenia; Solaris (na biblioteca); Toy Story II; Blade runer (na biblioteca); Fahrenheit 451 (na biblioteca); etc.

COMO FACER E COMO PRESENTAR UN TRABALLO

2009-01-13T21:45:00.004+01:00

Debuxo de Jaime A. (4ºB)

Estamos a falar de elaborar un traballo voluntario e de longo percorrido, para ir facendo desde agora e entregalo a final de curso, pero mantendo sempre a comunicación co profesor. De momento poden apuntarse os alumnos que agora teñan unha cualificación non inferior ao "seis", nivel mínimo que deberán manter ao longo do resto do curso como condición indispensable para seguir. Imos por partes:
Estamos, en principio, pensando nun traballo sobre un libro (de ficción ou non). Pódese tamén facer dunha película, dun cómic ou de dúas obras que se poidan relacionar (p. ex., unha novela e unha película, ou un cómic e unha novela, etc.). Distinguriemos cinco pasos:

1. LECTURA: Un traballo sobre un libro é o que se chama unha "recensión crítica" (do latín: recenseo: eu reviso, examino): a) Le subliñando a lapis e/ou tomando notas, no propio libro ou nunha folla; b) algunhas cousas será mellor lelas varias veces; c) debes ter sempre a man un dicionario; d) busca información do autor ou do libro nalgunha enciclopedia, ou en Internet. Esta información debes utilizala para entender mellor o libro, pero non para copiala mecanicamente sen comprendela.
2. PRESENTACIÓN: Todos os traballos teñen unha estructura semellante, que ti debes respectar en principio: 1) Portada: aí debes escribir os teus datos persoais e a ficha completa do libro escollido (autor, título subliñado, editorial e ano de publicación), e nada máis, 2) presentación: brevemente, nunha páxina ao sumo, dis quen é o autor , e cal é o tema e a importancia da obra. A continuación indicas por que escolliches esa obra e como abordaches o traballo. Se cres que debes engadir algo máis, faino; 3) resumo obxectivo da obra: sen engadir críticas nin comentarios ou opinións persoais, resume o contido do libro para que un compañeiro do teu grupo poida entendelo. O resumo pódese facer da obra enteira, ou por capítulos, dependendo da natureza do libro; 4) crítica persoal: naturalente podes opinar o que queiras, pero en calquera caso DEBES FUNDAMENTAR AS TÚAS OPINIÓNS o mellor posible. ¿Opinións sobre que?: sobre o tema ou temas do libro, sobre as crenzas do autor, sobre a forma na que está escrita a obra, etc. Por suposto, é de pura lóxica que debes ter en conta os contidos, temas, actividades, debates, etc., da asignatura. Canto máis e mellor saibas facer isto (relacionar o traballo do libro co resto da asignatura, ou con tal ou cal tema), máis alta será a cualificación; 5) conclusión: brevemente, como na "presentación", pechas agora o traballo resumindo as tres ou catro cousas que che interesa subliñar da obra, do que opinas dela e do traballo realizado, 6)bibliografía utilizada: todo libro, enciclopedia, artigo de periódico, páxina de Internet, blog, película, etc., utilizado debe constar aquí, sinalando autor, título, editorial e ano, ou ben o URL, etc.
3. COMO FACER "CITAS": Se tes que citar algunha frase literal do autor ou doutra obra, ten que ir entrecomiñada, poñendo entre paréntese o número da páxina na que aparece. Se fas unha cita dunha obra que non é o libro escollido para o traballo, debe quedar claro que libro é, e quen é o seu autor.
4. EXTENSIÓN: Aproximadamente, unhas dez/quince páxinas, se son escritas co ordenador. De todolos xeitos, o resumo obxectivo e a crítica persoal deben ser as partes máis extensas, e ambas dunha lonxitude similar.
5. REVISIÓNS PERIÓDICAS, EXPOSICIÓN E DEBATE: Cada certo tempo terás que presentar determinada parte do teu traballo ao profesor (non se trata pois de entregar "todo ao final"). Para iso serán marcadas unhas datas que deberás respectar se queres seguir co traballo. A data final de entrega será indicada no terceiro trimestre. Entregado e acabado o traballo, será fixada outra data para a presentación do traballo na aula, data que deberá ser respectada. A exposición será preparada (durará sobre un cuarto de hora), pero o traballo non será mecanicamente memorizado (podes mirar, ler algo, ter un esquema...). O debate non será para que o grupo faga preguntas ao autor do traballo -se ben pode haber algunha, claro-, senón un diálogo contruído entre todos sobre filosofía, onde o traballo é o punto de partida e de referencia.

NOTA: Os traballos que sexan sobre cómics, películas ou sobre dúas obras, faranse tamén seguindo en principio as orientacións anteriores, pero é mellor falar co profesor para determinar en cada caso que tipo de variantes é conveniente introducir...
NOTA II: Na seguinte entrada deste blog atoparás unha lista de libros, cómics e películas onde poderás escoller o máis atractivo para os teus intereses. Moitos deles estarán a túa disposición na biblioteca deste centro.

¿E agora como temos que entender... isto?

2009-01-13T21:31:00.001+01:00

Máis información e opinión sobre o caso de Genie...

2008-12-14T23:00:00.009+01:00

O pasado 27 de Novembro, "Negima" publicou un largo comentario na entrada correspondente ao caso de Genie, a nena "salvaxe" de California, que, despois de pensalo, decidín incluílo aquí como unha entrada dado o seu indubidable interese. O comentario de Negima está aquí reproducido na súa totalidade, soamente con dous cambios: 1) algunha errata que outra foi corrixida; 2) inclúense un par de enlaces suxeridos por Negima, pero engadidos por quen está agora escribindo. Gracias, "Negima", e non deixes de ler a resposta ao teu comentario (debaixo do orixinal teu):

"Despois de ler a información que facilitaches busquei en Internet máis información. Resultoume curioso que nalgunhas webs querian darlle dos investigadores a imaxe de maltratadores, que só vían a Genie coma un obxecto, e que posiblemente violaron o código de ética.
Logrei encontrar máis datos sobre a súa familia. Tiña irmáns e ela era a única que permanecía encerrada. Atábana a unha silla cun orinal implantado denominado "silla entrenadora" para os nenos que comenzan a facer as súas necesidades nun retrete. De noite o pai atábana e metíana nunha gaila de arame e madeira dentro dun saco de durmir, aínda que algunhas veces olvidábase dela e deixábaa atada na silla. A súa vestimenta era un pañal con algún vestido. Comía comida de bebé e no seu cuarto só podía ver cinco centimetros de ceo e o tellado dos seus veciños. Os demais membros da súa familia eran controlados polo seu pai, que de vez en cando os deixaba saír, e cando non os deixaba ,os vixiaba sentando nun rincón cunha pistola cargada nas mans.
Ela non tiña unha referencia do xusto e o inxusto, pero os nenos por natureza son máis curiosos: ¿por que a súa curiosidade non a levou a rebelarse? Supoño que quizais durante os primeiros anos sentise medo, pero ¿durante trece años nunca tivo máis curiosidade que medo? Quizais non podo falar dunha forma obxectiva xa que fun educada nunha sociedade, pero dende o meu punto de vista nalgún momento todo ser humano arriscaríase a saber que é o que hai tras aquela porta, e polo tanto forcexearía co meu carcereiro.
Actualmente unha orde xudicial protexe a intimidade de Genie, pero chegou a saberse que na actualidade vive nunha institución de California que adicase o cuidado de adultos con retraso mental, autismo, parálise cerebral ou epilepsia. No 2001 fíxose unha pelicula sobre ela, "Mockingbird Don’t Sing", que é moi difícil de encontrar en español.
Simplemente quería áñadir un pouco máis de información. (Existen casos similares: as irmás Kamala e Amala supostamente criadas por lobos en Ucrania, Oxana Malaya criada por un can ata os oito anos, Kaspar Hauser de Núremberg, Alemania, encadeado nun zulo, John Ssabunnya, "o verdadeiro Tarzán", criado por monos na selva africana)."

Non é o monstro das galletas

2008-11-24T00:02:00.001+01:00

Primeiro foi King Kong.

Logo foi Copito de Nieve.

E agora é unha femia: Koko.

A familia dos gorilas ten uns cantos famosos.
Aquí ofrecemos este enlace para ir o sitio de Koko na rede: hai un montón de cousas; entre outras, a propia Koko ensinando a quen queira os signos dos sordomudos que ela coñece ben...

¿Aló?

2008-11-23T00:01:00.000+01:00

Dedicaremos esta entrada á comunicación animal. No Tema 2 todo queda demasiado breve e aquí podes meterte algo máis : trátase dun libro de Carles Riba, presentado por J. Sabater Pi, gran especialista en primates e estudioso da cultura dos chimpancés (J. Sabater Pi foi quen comprou no seu día a cazadores furtivos o famoso Copito de Nieve, o gorila albino, que chegaría ao zoo de Barcelona gracias a el.
Ben, nestas páxinas de Riba poderá acceder a información sobre a comunicación dos crustáceos (páxina 23), as arañas (mesma páxina), insectos (desde a páxina 24: bolboretas, abellas, formigas...), crocodrilos (páxina 32), corvos e outros paxaros (mesma páxina), golfiños (tamén na 24), primates (páxina 33), baleas (páxina 36), e así...

Genie Wiley, a "nena salvaxe" de California

2008-11-22T11:55:00.005+01:00

Máis atrás temos a entrada dedicada a Victor, o neno salvaxe atopado en Francia a piques de rematar o século XVIII. Agora toca falar do caso de Genie. Temos aquí un documental de fai anos no seu día emitido por Televisión Española. Non é precisamente un documento divertido, e ninguén -agás Genie- ou case ninguén sae ben parado desta historia, pero o caso é... real, e é pouco menos que imposible non sentir interese por el, e consideramos moi improbable que alguén comece a ver o documental e non queira chegar ata o final:

Ben, e agora, vosoutros veredes se merece a pena escribir un comentario aquí ou non... Gracias en calquera caso.
(Hoxe Genie é xa unha muller que pasa dos cincuenta anos... Se segue viva, que cabe esperar que si).

Victor de L´Aveyron, o neno salvaxe

2008-11-22T11:50:00.002+01:00

Jean Itard, Victor de L´Aveyron, Alianza Ed.

Nestes días atrás estivemos comentando o caso do neno salvaxe atopado en Francia pouco antes de 1800. O libro de Jean Itard que conta este caso o tes na nosa biblioteca, na sección de psicoloxía (había que ubicalo nalgún sitio, e talvez non sexa o máis adecuado, pero aí o tes á túa disposición, para cando queiras-, está editado por Alianza editorial, e nunha colección fácil de atopar en calquera librería ou biblioteca pública. Se queres información sobre Itard a tes aquí, ou tamén neste outro enlace.

Pasemos agora á película. É de Truffaut, cineasta francés que, sen embargo, pode ser talvez para ti máis coñecido como actor dun famoso film de Spielberg, "Encuentros en la tercera fase", onde fai o papel de científico obsesionado por tomar contacto cos alieníxenas comunicándose musicalmente. Podes velo como tal neste vídeo-trailer (Truffaut aparece varias veces, e ao final co nome do personaxe, "Lacombe", e o seu, en letras ben visibles:

Pero o que aquí interesa agoa é a película de Truffaut, sete anos anterior á de Spielberg, no que tamén fai de actor -fai do propio Itard-. Ofrecemos tres vídeos: 1) o trailer, en inglés, porque aquí somos moi políglotas; 2) a escena da "xustiza" e o castigo inxusto, en V.O., en francés, pero agora con subtítulos en castelán; 3) "El pequeño salvaje" (Parte 4), é dicir, a parte IV da versión en castelán, cunha doblaxe non moi logada que fai perder verosimilitude á historia (Truffaut utilizaba sonido directo, e na doblaxe é de estudio, con voces coñecidas polas series de televisión ou polos anuncios:

Se queres ver máis en YouTube en francés, debes escribir "LÉnfant sauvage"; se o queres na versión anglosaxona, "The Wid Chid"; se queres ver a película completa ou case en castelán, pon "El pequeño salvaje", e poderás ir parte a parte. Sempre en YouTube, e SEMPRE escribindo xunto ao título o nome do autor: Truffaut, para evitar perdelo tempo con tonterías. ¡Boa caza!

"Partindo da nada chegamos ás máis altas cotas da miseria"

2008-11-18T01:09:00.005+01:00

E agora outro enlace máis para quen desexe dar con información máis completa e detallada da antropoxénese. Ben, éste é o sitio da rede que propoñemos. Ti verás...
Podes aforrar tempo se buscas xa de entrada o apartado 4 na páxina 8 -son trece, en total-, e a partir de aí, segues.

A voltas con Lamarck e Darwin

2008-11-18T00:34:00.005+01:00

Ao final do apartado 3 deste Tema 2, titulado "Explicacións evolucionistas", hai dous enlaces que volvemos a propoñer aquí porque todos sabemos que así é máis fácil e apetecible -no caso de que un teña ganas- recurrir a eles.
O primeiro é por se queres meterte un pouco máis a fondo no pensamento de Lamarck. Pois ben, se queres, éste é un enlace que non está mal, se ben atoparás información doutros autores, así que podes ler todo ou parte...
O segundo é algo distinto: é un blog dun biólogo do CSIC no que podes seguir unha polémica discusión déste con outro colega que entra como invitado na bitácora do primeiro. Debes chegar ata a sección de "Comentarios", e alí ver o que propoñemos: os argumentos e contraargumentos de ambos científicos, un defendendo a teoría sintética e outro criticándoa. A cousa non acaba moi ben... Éste é o enlace, por se queres seguilo.

TEMA 2

2008-10-28T22:50:00.002+01:00

De mitos, contos, nenos e medos

2008-10-27T23:21:00.007+01:00

Fai uns días, nun dos dous grupos, falabamos de literatura, de libros, de certas historias que, sendo escritas e do noso tempo, posúen algo indefinible que as achegan aos vellos mitos; son ou poden ser "míticas", sen ser mitos. O exemplo que non foi difícil de atopar foi a novela de Golding Lord of the Flies, na que aparece constantemente a ameaza, ou a intranquilizadora presenza desa besta oculta imaxinada de diferentes formas por distintos personaxes da obra... Tamén falábamos desa "carga mítica" visible igualmente nos contos populares, e dos terribles personaxes e monstruos que neles atopamos, e logo á polémica en torno a se son causa dos terrores dos nenos, ou se máis ben eses terrores xa existen e con tales personaxes de conducta pouco recomendable os nenos "dan forma", cara e nome a eses medos, conseguindo así en certo modo un control ou poder sobre eles. E desembocamos finalmente, un pouco por azar, nun conto para nenos, escrito por Vicente Muñoz Puelles, e no seu día moi premiado, e con xustiza, atrevémonos a dicir: Óscar y el león de Correos, moi ben ilustrado por Noemí Villamuza, e editado en 1998 por Anaya. Trata da historia dun neno de seis anos que sinte pánico por dúas cousas: "a criatura da noite", que antes de deitarse busca co seu pai por mil sitios, e o león do buzón de Correos, ao cal tira caramelos para intentar telo da súa parte... Finalmente conocerá a un home maior que traballa na oficina de Correo e móstralle o interior désta e o outro lado do león:

"-¿No sabes que los leones no comen caramelos? -le preguntó.
Óscar se sonrojó.
-Pensé que los leones de Correos serían distintos -dijo.
El hombre se reía tanto que parecía no terminar nunca.
-¿Sabes una cosa? -le preguntó-. Hace muchos años , cuando yo era joven, había otro niño que también le daba caramelos al león. Hablé con él, lo traje aquí y me dijo exactamente lo mismo.
Óscar se quedó pensando si el empleado de Correos le tomaba el pelo.
(...) Aquella noche, con el pijama puesto, papá empezó a mirar detrás de las puertas, buscando a la criatura de la noche. (...)
-Se me pasó el miedo, papá. (...) Sé que la criatura de la noche no existe y que el león de Correos no puede morderme.
-Es curioso que me digas eso -comentó papá-. Cuando yo era pequeño, tenía mucho miedo de ese mismo león. ¿Sabes lo que le hacía?"

¿E ti? ¿Sabes ti que lle facía...?

Carl Jung, os mitos e o inconsciente colectivo

2008-10-24T13:06:00.003+02:00

Os todas, do sur da India, un exemplo entre outros de cultura tradicional, cren nos seus propios mitos, claro é, e nun deles se di que a muller foi ceada a partir dunha costela do home, o cal recorda inevitablemente á historia de Adán e Eva da "Biblia", libro de orixe hebreo, producto dunha cultura allea aos todas e moi distante da India. En realidade hai moitos casos de similitudes ou coincidencias entre mitos ou relatos relixiosos (a "Biblia" non é propiamente un mito, nin unha serie de mitos). Os semang, da penísula de Malaca (en castelán, penísula malaya), non posúen o mito do diluvio, tan repetido en tantas culturas, pero si outro distinto pero equivalente: a tradición dun gran incendio... E así podríamos seguir...
O caso é que na aula, tratando precisamente sobre estas coincidencias de mitos de culturas e continentes distantes entre si, falamos de dúas explicacións plausibles: unha, a posible orixe común de diferentes culturas, o que explicaría as coincidencias, pese ás variantes, que tamén existen; e outra, non demostrada, pero suxestiva, a de Carl Jung e a súa hipótese do inconsciente colectivo. Deixamos aquí algún enlace que outro por se pica a curiosidade, recordando que hai moita información sobre Jung na rede, vídeos en YouTube incluidos... Pero recorda isto sempre: non todo o que atopamos na rede ten o mesmo grao de fiabilidade...

TEMA 1. ¿Gregos nun mapa... metido nun vídeo?

2008-10-23T00:49:00.004+02:00

Se queres un mapa dos de toda a vida da Grecia antiga, coas polis, as colonias, etc., etc., só tes que premer neste enlace... E se o que queres é un gráfico ou esquema cos nomes, escolas e séculos dos filósofos máis importantes daquel tempo tes a túa disposición este segundo enlace... Pero se preferes algo máis "movido", mellor bota unha ollada a isto, titulado "Descripción de la Grecia antigua":

TEMA 1

2008-10-23T00:40:00.002+02:00

Damos comezo aquí ao Tema 1. As entradas que seguen pertencen a este primeiro tema. Todas elas levarán, non obstante, a etiqueta "TEMA 1".

Presentación

2008-10-23T00:37:00.003+02:00

Benvidos. Éste é o blog de F&C, e pretende chegar a ser un lugar de encontro e de comunicación entre todos nós. Que iso sexa posible dependerá do que fagamos con este... monstruo recién chegado.
Para introducir calquera comentario non é necesario ter conta ou correo algún: basta con escribilo, reproducir a serie de letras anti-spam e premer no circuliño onde pon "Anónimo". Se queres firmar co teu nome, con pseudónimo, con iniciais, etc., é cousa túa, e só terás que poñelo ao final do comentario (ou ao comezo).
Textos, actividades, vídeos ou gráficos correspondentes aos diferentes temas do curso irán aparecendo aquí. Algúns deles serán máis ben... "convencionais" (serán o que todo o mundo xa espera que sexan); outros -esperemos que moitos- serán máis ben... "non convencionais". En calquera caso o monstruo comeza xa a andar...